Corsou ta conoce di 7 morto den trafico den accidente cruel

WILLEMSTAD - Diahuebs 5 di mei alrededor di 5’or di atardi, Central di Polis a ricibi yamada di un accidente di trafico cu a tuma luga riba Caracasbaaiweg na altura di Lagunisol y den cual tin un persona drumi riba caya cu no ta dunando señal di bida.

INVESTIGACION PRELIMINAR

For di investigacion preliminar a sali na cla cu chaufeur di un auto di famia cu tabata core riba Caracasbaaiweg den direcion di Caracasbaai, probablemente pa motibo di exceso di velosidad a perde control riba su stuur, baha for di caminda y bay dal contra muraya di e villapark ariba menciona. Debi na e impacto e vehiculo aki a zwaai, saca y benta e ocupante riba caminda. E victima a bay resulta bou di un SUV cu net na e momento ey tabata bini for di direccion contrario. 

IDENTIFICACION DI VICTIMA

E victima Jurnick M. Gustina naci na Corsou dia 13 di december 1993 a risibi multipel leccion rond su curpa y a fayece na e sitio mes. Docter di polis a constata morto. Investigacion den e caso aki ta continua. Foto cortesia Yves Cooper