Ted Cruz a retira candidatura, habriendo caminda pa Trump

INDIANAPOLIS - Den un paso sorpresivo, candidato presidencial Mericano Ted Cruz a retira di e careda presidencial diamars anochi despues di un derota abrumador contra su contrincante Donald Trump den e eleccion na Indiana. Cruz cu a conta cu e sosten di Indiana pa haya bida atrobe, a perde grandemente, cu a pon'e anuncia su retiro. Esey ta habri caminda pa Trump bira e representante di e republicanonan pa e eleccion presidencial. Ainda falta 7 estado pa disidi, pero cu Cruz for di e contienda, ta laga solamente John Kasich cu practicamente no ta competencia pa Trump. Di banda di e democratanan, aki tambe cos a bay robes ora cu Bernie Sanders a gana e eleccion contra Hillary Clinton, aunke ainda falta basta pa e haya e cantidad di delegado necesario. E derota di Clinton no ta un sorpresa, y a mustra caba cu nan por wanta un 'perdida' di delegado ya cu Clinton tin mas cu suficiente pa toch 'clinch' e nominacion pa su partido.