Detencion homber acusa di abuso sexual di mucha prolonga cu 60 dia

ORANJESTAD - Tres siman despues cu polis a pone man riba e homber sospecha di a comete un acto sexual cu un mucha, e persona J. Tromp, hues comisario a bay di acuerdo pa prolonga su detencion cu 60 dia mas. Esaki ta nifica cu e persona lo permanece tras di trali pa un periodo basta largo atrobe pendiente su caso bin dilanti. E caso mes a sosode mas cu un aña pasa, pero ta awor numa a keda cla cu e investigacion cu por a pasa pa su detencion. 

DETENCION INICIAL 

Tabata riba ordo di Ministerio Publico, cu riba 13 di april ultimo recherchenan di Jeugd en Zeden Politie a detene e homber sospecha di lo a abusa di un of mas menor di edad. Su detencion ta basa riba e investigacion andando den su contra. Na mes momento Polis a detene e tata di e victima tambe, Reginald Danies relaciona cu vandalismo. Despues di a tuma su declaracion y splic'e riba e consecuencianan di su acto, a lag'e bek den libertad. NOTA: No tin potret di e sospechoso, y p'esey no a pone.