Yiu di Corsou Tahith Chong cla pa firma cu Manchester United

ROTTERDAM - Nan ta yama Tahith Chong (16) e 'sensacion Hulandes'. Ta trata di un hoben yiu di Corsou cu posiblemente lo ta firmando cu e ekipo profesional ingles Manchester United. Segun Manchester Evening News, nan ta siguiendo e pasonan di Chong durante su trayecto cu e ekipo bou di U-17 di Feyenoord. Chong mes a revela cu e ta hopi cerca di firma cu Manchester United. 

PREMIER CUP

E hoben di apenas 16 aña tabata den un evento di Premier Cup na e compleho di entrenamiento na Carrington durante e temporada di zomer aña pasa. Un cantidad di ekipo di Premier League, incluyendo City, Arsenal y Chelsea a raporta cu nan tabata monitoria pasonan di e delantero potencial. Chong mes a divulga cu e ta considerando pa keda cu e division di honor Hulandes, pero ta parce cu e facilidadnan impresionante ingles di United, a convence e futbolista cu su futuro ta cu Manchester. "Tabata mi intencion pa keda cu Feyenoord, pero no tabatin ningun plan pa mi" el a conta Elf Voetbal. "Ora cu mi kier a bay, nan a traha un plan. Nan tabata lat. Na Manchester United mi tabatin un miho presentimiento" Chong a bisa. Foto: Bongarts/Getty