McDonald’s ta ofrece desayuno henter dia

ORANJESTAD - Desayuno na McDonald’s lo marca historia un biaha mas ora cu Arcos Dorados introduci desayuno henter dia na Aruba. Esaki lo permiti clientenan disfruta algun di nan desayunonan faborito for di e orario normal pa desayuna. Arcos Dorados a anuncia nan plan pa lansa nan desayuno henter dia e aña aki na Aruba.

PETICION DI CLIENTE

“Nos ta contento pa anuncia cu clientenan di McDonald’s na Aruba por desayuna den nan mesun orario. Desayuno henter dia, ta un peticion cu nos a tende di nos clientenan y nos ta ansioso pa haci e soño aki bira realidad aki na Aruba e aña aki”, asina Sulina Vrolijk, Operations Supervisor di Arcos Dorados Aruba a bisa.

ORARIO 

Desayuno lo no caba mas pa 10:30 di mainta. Durante almuerzo y cena, laat den anochi tur ora ta ora pa un hotcakes, na cualkier momento di dia. E menu nobo lo permiti clientenan disfruta di nan pan di desayuno combina cu e batata hasa famoso mundialmente despues di 10:30 mainta.

MENU LIMITA

Desayuno henter dia lo tin un menu limita cu ta focus riba e e productonan mas popular na McDonald’s Aruba riba nan plataforma di desayuno. Esaki ta hotcakes, McCrioyo, Burrito, Oatmeal, Eag Mc Muffin, Hashbrown. A tuma e decision aki basa riba e nivel local di e preferencia di cliente. Pa mas Informacion subi e website www.mcdonaldsdwi.com of sigui nos riba facebook McDonald’s CuracaoAruba

E FRANKISIA

Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, Guyana Frances, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela. 

E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia. Arcos Dorados ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.