Partidonan tras di cortina formando coalicion nobo na Bonaire

KRALENDIJK - Despues cu gobierno di patia di Bonaire, esta e coalicion entre partidonan UPB y Democrat a cay diabierna mainta, trabounan a cuminsa tras di cortina, pa forma un gobierno nobo. Fuentenan cerca di e proceso, a confirma na NoticiaCla.com cu tin tres miembro di MPB hunto cu sra Jeanoushka "Nunu"  Raphaela y posiblemente Esther Bernabela cu a benta e gobierno abou, lo ta papiando cu otro pa un posibel formacion di 5. Manera ta conoci tin 9 asiento y pa tin un gobierno, mester tin por lo menos 5. Ta premira cu pa otro siman diamars anochi ora cu tin un proximo reunion di conseho insular, e formalisacion por tuma lugar di e proximo gabinete. E fuentenan a bisa cu 'pa diamars Bonaire mester tin su gobierno nobo'. Intentonan pa papia cu lider di tanto MPB y Democrat no a duna resultado, aunke cu e fuentenan ta cerca di e partidonan y a confirma e intentonan menciona.