Presidente mericano Barack Obama ta autorisa atake areo na Iraq

WASHINGTON – Presidente mericano Barack Obama a anuncia diahuebs anochi cu e la autorisa atakenan aereo contra militantenan Islamico na e parti noord di Iraq, si nan menasa interesnan mericano. Mes momento e la anuncia cu Merca lo yuda transporta ayudo humanitario pa esnan den necesidad. Pa loke ta e miedo pa un guera atrobe cu Iraq, Obama a garantisa cu trupanan mericano lo no wordo manda pa Iraq. Merca lo actua pa preveni actonan di genocide contra gruponan minoritario. E grupo cu ta yama su mes ISIS, considera como un grupo mas pio cu Al Qaeda, tabata menasa pa tuma gran parti di Iraq, incluyendo interesnan mericano. Cu esey den mente, Obama a autorisa y ordena atakenan aereo si ta necesario.