S.V.Universal cu competencia di fli riba dia di Rey

ORANJESTAD - Diaranson mainta riba Dia di Rey a tuma lugar un competencia di Fli riba e veld di S.V. Universal. Despues di a participa na e workshop pa traha bo fli, teni diasabra ultimo na Club Universal diaranson mainta e hobennan cu tabatin pasenshi pa warda e dia yega por a subi nan bunita fli. Despues di algun ora por a tuma nota cu e dos flinan cu a keda “steady”den shelo tabata esnan cu a gana e bunita premionan danki na e patrocinio di nos compania nacional SETAR N.V. Gio Webb a keda na di dos lugar y a ricibi un telefoon celular, mientras cu Nikita Semeleer tabata e ganador, cu a ricibi un Tablet  ambos cortesia di SETAR N.V.  

EVENTO RIBA DIA NACIONAL

Manera directiva a bin ta haci desde su instalacion na januari ultimo, ta organisando actividad riba dianan nacional, ta e intencion pa sigui haci esaki pa e fiestanan cu ta na caminda durante e aña aki. Mester bisa cu poco poco e habitantenan di Pos Chiquito, Sabana Basora y besindario ta asistiendo na e actividadnan na club y specialmente e hobennan ta contento mirando cu tin actividad atrobe pa nan den nan bario. Danki na tur cu a haci e evento aki posibel y un danki grandi ta bai na SETAR.N.V. cu ta coperando grandemente durante ultimo actividadnan.