Edificio Parlamento victima di destruccion atrobe

ORANJESTAD - Awe mainta un biaha mas personanan 'desconoci' a causa daño na e edificio di Parlamento. E biaha aki e porta principal a resulta parcialmente destrui, cu dos glas kibra y un paver blanco un banda. Mas probabel e paver ey a wordo uza pa destrui e portanan aki. E acto aki ta bin apenas un dia despues cu tabatin un manifestacion pasivo contra abuso sexual contra mucha. Den combersacion cu presidente interino di Parlamento Chris Dammers, tin indicacion caba ken a haci esaki. Mes momento el a confirma na NoticiaCla.com cu a pone e caso aki den man di polis, ya cu lo tin menasa den direccion di parlamentarionan incluyendo su persona. 

MANIFESTACION DIARANSON

Durante e manifestacion diaranson, menasanan lo a cay cu 'lo bay haci algo' na Parlamento. Y awe mainta enberdad tabatin destruccion cu a wordo causa na Parlamento". Como tal basa riba esaki, Parlamento awor ta actuando pa polis investiga mas riba e caso di menasa aki y si e destruccion di awe mainta ta relaciona cu e menasa ey.