Renaissance Mall & Marketplace cu campaña di dia di Mama “Shop, Dine, Scratch & Win”

ORANJESTAD – “Shop, Dine, Scratch & Win” ta e campaña fabuloso mas reciente cu Renaissance Mall & Marketplace ta trece pa reparti hopi premio entre su clientenan. Cuminsando dialuna 25 di april y te cu dia 10 di mei proximo, bo tin oportunidad pa gana un crucero den Caribe pa dos persona, biaha pa Miami, weekend stay y hopi mas. Participa abo tambe djis dor di disfruta di e tienda y restaurantnan fabuloso cu bo ta haya den e centronan comercial cu e tiendanan di mas exclusivo y e restaurantnan di mas dushi na Aruba.

Cu cada compra di 50 Florin na un di e tienda, restaurant of café na Renaissance Mall of Renaissance Marketplace, bo ta participa. Djis presenta bo recibo di compra na e booth cu ta ubica mey mey di e centro comercial y bo ta ricibi bo carchi di raspa. Di e manera aki no tin mester di warda; di biaha bo ta wak si bo ta un ganador! E premionan ta fabuloso.

Renaissance Mall y Renaissance Marketplace ta bay reparti entre su clientenan premionan sumamente atractivo manera: certificado di compras den Renaissance Mall, almuerzo of cena pa dos persona na bo restaurant faborito na Renaissance Marketplace, un masashi pa pareha na e exclusivo isla di Renaissance, un estadia di fin di siman den Renaissance Aruba Resort & Casino, un biahe pa Miami pa dos persona incluyendo hotel y e premio mas grandi cu ta un crucero den Caribe pa dos persona  incluyendo pasashi y hotel.

Tene na cuenta cu por cuminsa participa y hunga den e campaña aki desde dia 25 di mei y e ultimo dia pa presenta un carchi di raspa ganado ta dia 10 di mei 2016. Pa mas informacion riba e campaña nobo “Shop, Dine, Scratch & Win” di Renaissance Mall & Renaissance Marketplace, por bishita nan pagina di Facebook. Suerte y un feliz Dia di Mama!