Scol a cuminsa awe na Corsou

WILLEMSTAD – Scol na Corsou a cuminsa awe atrobe cu e ‘rush’ acustumbra di alumnonan cu mester a cuminsa nan rutina atrobe. Pa otronan esaki tabata nan prome biaha cu nan ta bay scol, y pa nan e ta henter un otro aventura, acompanja pa nervio y emocion. Cu nan, e mayornan tambe ta conoce e aspecto aki y ta sinja biba cune. Tanto alumnonan di onderbouw como bovenbouw mester a presenta na scol awe, sea pa cuminsa les normal of djies tuma rooster. Na Aruba scol ta cuminsa un siman mas lat. Riba e potretnan por mira entre otro Enzo y Mia de Sousa cu ta bayendo Vigdis Jonkheer Mensing College y Romer School respectivamente, y tambe Donnevan y Vincent Hermelijn cu ta bay Goilo School na Julianadorp (fotos cortesia Gisah de Sousa - Hollander y Aldrich Hermelijn)