Ex directiva di polis ta cuestiona iregularidad di actual directiva

ORANJESTAD - E ex directiva di polis ta cuestiona iregularidad di actual directiva. Den un comunicado emiti dor di e ex directiva di Sindicato di Polis Aruba (SPA), referiendo na e directiva di aña 2013 pa 2015, na miembronan di e sindicato, por saca afo cu te ainda e directiva nobo no por caba di investiga y conclui cu e directiva saliente lo a comete cualkier iregularidad of hasta fraude." Pero, a tuma medidanan disciplinario contra e directiva anterior, uzando pretexto cu tabatin iregularidad" e comunicado ta bisa. 

MOMENTO CORECTO

Segun e ex directiva, di hopi dia caba nan tabatin un carta cla pa manda pa señala hopi cos cu no ta corecto pero simplemente tabata wardando e momento corecto pa sac'e. Mirando cu un otro colega a saca un carta y lesando loke e ta referi na dje, nos a dicidi y nos ta kere cu ta e momento corecto pa manda esun di nos. Nos ta contento di por mira cu tin miembro ta reacciona y ta manda carta manera esun di e colega cu el a manda riba intranet den e “discussion room”. Loke e colega ta señalando ta cos cu varios di nos a papia cu diferente coleganan mustrando nan riba e puntonan aki. Y na varios ocasion a mustra Korpsleiding riba e puntonan aki tambe.

ELECCION 

Ora cu e colega aki ta referi na eleccion e ta corecto cu ta den luna di mei un eleccion di directiva mester tuma luga. Tin otro reglanan nan cu ta conta pa otro eleccion cu ta ora di yenamento di e funcionnan ora un sindicato cay. " Awor segun nos ta mira cu Presidente di SPA, Juancho Gomes, el a djis yena e funcionnan bashi y e ta keda. Pero si bo analisa statuut y “huishoudelijk reglement”, ta papia di “vervullen van de functies bij vrijwillig aftreden”, pues no ora cu schors 7 persona anto ta pasa over pa bira bou di e minimo cantidad di miembronan di directiva cu e sindicato mag di consisti di dje" e comunicado di e ex sindicato ta bisa. Lesa e comunicado completo aki.