The Cinemas at Paseo cu estreno ekipo di sonido nobo!

PALM BEACH - Siman pasa diabierna, The Cinemas at Paseo a instala ekiponan nobo di sonido den nan auditorio mas grandi cu pantaya mas grandi. Ta trata aki di speakernan nobo 'surround sound', cu subwoofers, amplifiers y sound procesor. Tur pa duna e bishitante amante di cine, e experiencia mas miho pa loke ta calidad di tanto cine y zonido. Loke sigur ta un beneficio, ta cu aunke cu tin tur e beneficionan aki extra instala, e cliente no tin cu paga extra pa experiencia e cambio aki. 

TUR PELICULA CU ZONIDO NOBO

For di e gerente di e cinema, NoticiaCla.com a compronde cu tur pelicula na The Cinemas na Paseo ta bin cu e version di sonido di Dolby 7.1, pues bo por mira tur pelicula cu un zonido fabuloso. 'No djies wak, sino bib'e!" ta e lema cu e cinema ta uzando aworaki pa describi e experiencia unico aki. For di e siman aki por cuminsa experencia e cambio positivo aki na Paseo. 

PROYECTORNAN NOBO 3D

Como si fuera poco, den e proximo 2 simannan, The Cinemas at the Paseo lo instala dos proyectornan nobo nobo di 3D, unda cu e personahenan y actornan di cine lo practicamente sali di pantaya y sunchi bo wang. "Bril nobo 3D di glas, en bes di plastic. Pues nada di bril 'barata" e gerente a sigui bisa. Motibo suficiente pa e amantenan di cine sigui bishita The Cinemas at Paseo, y pa esnan cu no a bin nunca, experencia esaki pa prome biaha y conoce kico kiermen calidad ora cu ta trata di pelicula na Aruba.