SNBA: Ainda nada di “incentive package’ pa San Nicolas

SAN NICOLAS – Gobierno di Aruba a laga esfuerso y credibilidad di San Nicolas Business Association na caya. Esaki ta bin di parti di e ‘acting president’ di e asociacion, Andres Hernandez como reaccion riba e declaracionnan di minister Otmar Oduber durante su ultimo conferencia di prensa. Reuni 3 ora parti den 2 reunion na mei riba e plan pa San Nicolas, pa Hernandez no por wordo considera como SNBA ta ‘formando parti di e plan’. E plan cu Hernandez ta referi na dje ta esun cu ta comberti San Nicolas den e di dos ciudad turistico di Aruba, y cual proyecto tabata den man di Aruba Investment Bank pa draft. Pa por papia asina di ta forma parti, SNBA lo kier mira un participacion mas activo segun Hernandez ta sigui bisa. Oduber durante su conferencia a mustra enberdad riba plannan di San Nicolas, pero cu e no ta bay di un dia pa otro.

E presidente di e asociacion mientrastanto ta mustra ademas cu nan a wordo lubida ya cu mas cu aña a pasa y ainda no tin nada di e promesa di e supuesto ‘incentive package’ pa San Nicolas. Nada no a wordo haci riba dje, mientras cu SNBA si a haci su gastonan propio pa por atrae inversionistanan di afo. Un aña despues, e incentivo no tey, cu ta pone e credibilidad y e esfuerso di e asociacion na caya. SNBA no obstante esey ta keda positivo, pero ta mira cu ‘ e temporada di silencio y poco informacion, lo alarga e proceso di crea confiansa suficiente pa haya e inversionistanan aki bek’.

Segun Hernandez, no a cu nan no ta cu gobierno, sino kier sa con a para cu tur e promesanan cu a wordo haci. Entre nan ta puntra ‘ki a para di a move e departamentonan di gobierno cu a wordo apunta pa move for di e renovacion di e Water Toren’. Segun Hernandez, esaki caba lo a crea un mini flow cu lo hasta evita cierto negoshinan di cera nan porta y bay for di San Nicolas. Hernandez ta reconoce cu hopi a wordo haci na San Nicolas cu inversion y cu proyectonan ta andando. “Ma San Nicolas merece esaki y hopi mas".