Beach Policy: Esaki ta ultimo dianan pa por registra

ORANJESTAD - Departamento di Infrastructura y Planificacion (DIP) y Directie Scheepvaart Aruba (DSA) a informa cu tur compania cu ta haci uzo di espacio riba nos beachnan pa negoshi, como tambe tur compania acuatico, cu mester haci peticion pa permiso di nobo. 

ENTREGA DI PETICION

Companianan acuatico tene bon nota cu lo mester entrega un peticion cerca Departamento di Infrastructura y Planificacion (DIP) como tambe cerca Directie Scheepvaart Aruba (DSA). Tur otro compania cu ta desea di haci uzo di espacio riba beach mester entrega un peticion cerca DIP solamente.

ULTIMO DIA PA ENTREGA PETICION

Ultimo dia pa entrega peticion lo ta 29 di april, 2016. Importante pa tuma nota cu den cuadro di e Beach Policy tur compania cu ta desea di haci uzo di espacio riba beach mester aplica di nobo pa un permiso. Esaki ta conta pa tur esnan cu tin un permiso vigente y tambe pa esnan cu ta desea pa cuminsa haci uzo di espacio riba beach. 

HORARIO

Peticion na DIP por wordo haci den siman entre 7:45 AM - 11:45 AM y  1:15 PM - 3:45 PM. 

Ora di haci peticion na DIP lo mester entrega:

     •Comprobante di inscripcion na Camara di Comercio

     •Comprobante di persoonsnummer di Servicio di Impuesto

     •Copia di identificacion valido

     •Un situatie tekening di kadaster  

     •31 florin.

Peticion na DSA por wordo haci den siman entre 7:30 AM - 4:30 PM

Ora di haci peticion cerca DSA lo mester entrega:

     •E “inlichtingenformulier” yena, esaki ta disponibel na DSA

     •Copia di registro di inscripcion di e compania na Camara di Comercio

     •Copia di un identificacion valido di representante legal cu ta haci e peticion

     •Copia di e registracion di e boto/jetski etc.

     •Copia di vaarvergunning

     •Peticion mester wordo seya pa un stampia di 4 florin.