Prome Minister di Aruba representando Reino Hulandes na Nacionnan Uni

NEW YORK/ORANJESTAD - Prome Minister di Aruba Mike Eman ta representando Reino Hulandes na Nacionan Uni e siman aki. Diahuebs el a papia dilanti tur delegado pa medio di un discurso. Prome cu el a cuminsa cu su discurso Eman a splica su audiencia di e cuatro paisnan di cual Reino Hulandes ta consisti y di e relacion special cu tin cu e tres islanan cu awe ta parti di municipio Hulandes. Su discurso dirigi riba Agenda 2030, cu ta e tema di e asamblea,  a toca e puntonan principal cu mundo mester atene su mes na nan. 

SIDS VULNERABEL PA CAMBIO DI CLIMA 

Eman a dirigi su mes na Presidente di Asamblea di Nacionnan Uni bisando e cu nacionnan isleño (SIDS - Small Island Developing States) ta extra vulnerabel pa cambio di clima, condicion extremo di tempo y aumento di nivel di lama. "Na 2015 Hulanda y UNESCO-IHE a lansa hunto un proyecto pa fortifica e capacidad di SIDS pa hisa calidad di maneho di awa y pa deal cu e efectonan di cambio di clima. Pa sigura cu SIDS y LDC'nan por haya mas acceso na propositonan financiero pa adaptacion necesario di proyectonan, Reino Hulandes tambe a lucha pa un vitrina special pa preparacion di proyectonan bou di e multi donor trust fund nobo 'WB Water Global Practice'.”