Manifestacion pa mehoracion di cuido di nos salud na Aruba

ORANJESTAD - Cu intencion di hala atencion pa un miho maneho di esnan den departamentonan di salud, un grupo lidera pa e persona Vivian Krozendijk y tambe e sindicato TOPA, ta organisando un manifestacion diabierna atardi. E intencion ta pa marcha di Juliana plein pa Bestuurskantoor unda cu lo entrega un manifiesto (pagina 2 aki) na e respectivo gobernantenan. E idea pa e manifestacion a lanta despues di e experiencia cu Krozendijk tabatin recientemente ora cu un amiga di dje a fayece durante parto di su morochonan. Ta culpa cuido medico deficiente y kier pa esaki haya atencion. 

KICO E META TA

E grupo ta boga pa e.o. no mas sufrimento pa nos pashentnan, miho calidad di bida pa tur ciudadano, y pa drecha e calidad di bida pa tur ciudadano. E intencion ta pa esnan interesa topa na Juliana School for di unda lo marcha pa Bestuurskantoor den careda di 4:30 pm. Eynan lo entrega e manifiesto di dos pagina na e minister di Salud a.i. (minister di Salud ta den exterior:red).