ABC Busbedrijf Curacao a bishita Arubus den cuadro di cooperacion

ORANJESTAD - Recientemente Arubus a haña bishita di un delegacion di ABC Busbedrijf di Corsou di diferente departamento pa observa e forma di opera aki na Aruba. Tambe kico nan por uza of adapta na nan forma di opera na Corsou y tambe cu kico e dos compania nan por asisti otro pa amplia conocimento den diferente nivel.

CHAUFEUR Y MECANICO

Tambe tabata tin chauffeur y mecanico nan pa observa e bus nan nobo paso ABC tambe lo bay cumpra busnan identico na e VOLVO/MARCOPOLO cu ta e ultimo adkisicion di ARUBUS.

GRADICIMENTO DI GERENCIA

Gerencia di Arubus a agradeci nan pa nan bishita y nan input. Cu un coperacion lo bay tin bentahanan pa tur dos compania pa aumenta eficiencia y servicio. Tambe lo bay tin mas intercambio ariba locual ta e maneho di entre otro compra di parts etc. Y lo evalua tur locual por haci hunto pa baha costonan.