Abogado mr Aafje Rietveld a huramenta como abogado

ORANJESTAD - E siman aki Corte di Husticia a huramenta e abogado mr. Aafje Rietveld dilanti coleganan di husticia. Mr Rietveld ta trahando for di december 2015 como abogado na e bufete di abogado Gomez & Bikker.  

TRAYECTORIA

Mr Rietveld a gradua den ley na universidad di Leiden na Hulanda na aña 2000. El a gradua cu specialisacion den ley corporativo y civil. Despues di graduacion, el a cuminsa su carera na e bufete di abogado Loyens & Loeff na Rotterdam, cu ta un di e bufetenan mas renombra na Hulanda.  Na 2014 Rietveld a cuminsa su propio bufete specialisa, Corporate Balance, pero a muda sorpresivamente pa Aruba na 2015, ora cu casa mester a traslada pa su funcion nobo. Mr Rietveld ta casa cu e actual director interino di Gabinete di Gobernador, esta Derk Jan Nauta y nan tin dos yiu. Mr Rietveld ta domina e idiomanan Hulandes, Ingles, Spaño, Frances, Aleman y tambe Papiamento.