Entradanan hudicial en coneccion ku crimen ambiental

WILLEMSTAD - Diamars 19 di april, Division di Crimen Organisa den coperacion cu autoridadnan hudicial di Hulanda y expertonan riba e tereno ambiental, a tene 7 entrada hudicial na diferente cas y oficina di comerciantenan cu companianan estableci tanto na Corsou como den Europa. Ta trata aki di un investigacion cu ta andando caminda productonan residual di “asfaltmeer” ta keda procesa y converti den fuel oil y exporta pa benta. Durante di e entradanan hudicial cu a tuma luga bou di supervision di un hues comisario, a confisca bastante administracion y monster di e substancia aki, pa mas investigacion. FOTO ta di archivo di un entrada hudicial conduci pa RST.