Donald Trump y Hillary Clinton ta gana eleccion na New York

NEW YORK - Pa e pre eleccion presidencial (primary) pa e estado di New York diamars anochi, Donald Trump (R) y Hillary Clinton (D) a gana di un forma convincentemente. No obstante e victorianan aki, ningun di e dos candidatonan a logra sigura nan nominacion pa nan respectivo partido (1237 pa republicano y 2383 pa democratanan) y nan tin cu bay un caminda ainda cu nan respectivo congreso prome cu ta asina leu. 

REPUBLICANONAN

Den e contienda republicano, Donald Trump a gana convincentemente lagando su contrincantenan basta leu. E la logra 60.2% di e votonan (464.079) pa un total di 84 delegado, sigui pa John Kasich cu 25.1% di e votonan (193.616) pa 2 delegado. Ted Cruz a logra apenas 14.7%  di e votonan (113.011) pero no a logra ningun delegado. 

DEMOCRATANAN

Den e contienda democrata, Hillary Clinton a gana tambe aunke e margen tabata mas chikito. Den su caso Clinton a gana 57.5% di e votonan (954.079) cu ta bon pa 129 delegado, sigui pa su unico rival, Bernie Sanders cu tabatin 42.5% di e votonan (704.322) cu ta bon pa 98 delegado.