Raad van Advies cu critica cu Gobierno y Parlamento 'no por coregi' nan mes

ORANJESTAD – E organo consultativo mas halto di nos isla, Raad van Advies (RvA) den su relato anual ta critico riba e hecho cu Aruba 'no por corigi su mes', y aki e ta referi na Gobierno y Parlamento di nos isla. Esaki basa riba e dos leynan cu a wordo pasa na 2015, unda cu no a presta suficiente atencion na e kehonan cu e organo a vocifera riba e temanan aki. 

CONFLICTO

E organo a mustra den su conseho riba e conflicto cu e constitucion ( den e ley Aruba tijdelijk financieel toezicht) y cerca e ley di comptabilidad (Landsverordening tot vaststelling van het exploitatiesaldo 2013). No obstante e obhecionnan pisa aki, ambos ley a pasa (door di gobierno y parlamento pareu) sin e cambionan necesario. Ademas Gobernador tampoco no a ofrece e ley(nan) pa ''destruccion'. 

CORTE CONSTITUCIONAL

Awor cu e tarea di e organo consultativo ta cla, (e organo ta en efecto consehero), e organo ta lansa e pregunta si no ta momento pa cuminsa pensa den un corte constitucional, manera cu tin na St Maarten. Tal corte ta autorisa pa declara cierto leynan asina como ineficaz. Asina e 'posibilidad' pa e isla por 'coregi su mes' por haya un impulso importante.