Empleadonan di dept di Enseñansa deteni pa fraude

ORANJESTAD — Dos dama ta sera relaciona cu actonan fraudulento cometi na Departamento di Enseñansa na Aruba. Esaki a keda confirma diaranson atardi pa vocero di Ministerio Publico, Ann Angela. Un di e dos damanan aki a wordo deteni na su cas den fin di siman, y e otro a entrega su mes diaranson mainta na warda di polis. Informacion no oficial cu NoticiaCla a logra compila ademas, ta mustra cu ta trata di sumanan cuantioso cu e dos damanan aki pa un periodo no conoci, lo a malversa durante cu nan tabata emplea na e departamento aki. Angela no por a duna mas informacion en bista cu ta trata di un investigacion hopi recien y cu ainda ta andando. Den cuadro di esaki, no kier stroba e investigacion recien aki.