ATIA a instala su directiva nobo durante su Asamblea General

ORANJESTAD - E organisacion di comercio y industria di Aruba (ATIA) tin un directiva nobo pa aña 2016-2017. Dos miembro den directiva di aña pasa a baha y a habri caminda pa dos nobo. 

DIRECTIVA NOBO

E directiva nobo di ATIA ta conta cu 11 miembro procedente di varios segmento den nos comercio y ta consisti di Sr. Michel Henriquez cu a keda re-eligi como presidente, Sr. Ronnie van Trigt vice chairman,  Sr. Jim Hepple treasurer, Sr. Enrique (Tito) de Cuba secretario. Sr. Ravee Nandwan, Sr. Roland Croes, Sr. Donald de Veer, Sra. Mireille de Miranda, Sra. Gina Habibe-Arends, Sr. Tristan Every y Sr. Matthijs Bijen. E di 71 asamblea general di ATIA a tuma lugar na Surfside Marina, entre miembronan di e organisacion cu a vota unanimamente pa e directiva nobo. 

MIEMBRONAN NOBO DI DIRECTIVA

Folkert van der Woude a baha cu pensioen y ATIA ta gradici’e pa su tempo, dedicacion, y trabou realisa durante su participacion den directiva di ATIA.  E miembronan di e directiva nobo ta Sr. Tristan Every y Sr. Matthijs Bijen. 

PANEL DISCUSSION

Segun e comunicado di ATIA, e asamblea e termina cu un panel discussion cual a consisti di Sr. Ewald Biemans, Sr. Glenn Thodé, Sr. Ryan Peterson y Sra. Ronella Tjin Asjoe-Croes hunto cu Minister di Economia, Sr. Mike de Meza riba e topico di un vision a largo plaso pa Aruba y e rol di turismo den un mundo altamente competitivo y cambiando. Cada panelista a contribui cu nan experticio na un panel discussion sumamente interesante.