SV Universal a organisa “Easter Sports Camp 2016 ”

POS CHIQUITO - SV Universal ta orguyoso di e  “Easter Sports Camp 2016” teni durante siman di vacacion escolar di pasco grandi,  organisa bou auspicio di trainer Richard Vermeulen y su team di lidernan deportivo.

CAMPAMENTO DEPORTIVO

Manera anuncia na final di maart a tuma luga un campamento deportivo unda e hobennan, bou guia di trainer Vermeulen a cera conoci cu tecnicanan di deportenan manera Trefbal, Volleyball, Basketball y Futbol. Riba e prome dia e hobennan a pasa e dia haciendo diferente tipo di wega pa cera conoci cu otro mientras cu riba e otro tres dianan a siña tecnicanan di e diferente tipo di deportenan cu SV Universal lo bay ta formando un team den e ramo ey.  Directiva ta hopi contento cu e resultado aki unda cu casi 30 hoben a participa durante e 4 dianan di e campamento deportivo aki. 

INSCRIPCION PA VARIOS TEAM

Na mesun momento SV Universal kier informa mayornan y tambe e hobennan cu diasabra awor, pa 4’or di atardi tin e oportunidad pa inscribi pa forma parti di un di e teamnan di bala, sea basketball, volleyball of futbol. Pa mas informacion por subi e Facebook di SV Universal.