Premio grandi di Mini Mega lo bay pa paga estudio

ORANJESTAD - E hungado Maria V.S. a gana e suma bunita di 825 mil florin diamars ultimo, hungando ‎Mini Mega y ‎Mega Plus. E la cumpra 3 ticket, dos cu su numbernan vast y un "Loco". E ticket Loco a resulta esun di suerte! Maria a cumpra su numbernan preferi di Mini Mega y su Mega Plus di Lotto di Aruba na Cadena Alexander na Noord. E numbernan ganado tabata 09-19-21-29 MB 05.

Prome cos cu el a bisa di lo haci ta drecha su cas y sigur pone placa un banda pa su yiu bay studia afo ora e tin e edad pa esey. Maria a keda masha contento cu su premio. Lotto ta felicita e feliz ganadora cu su premio gordo di 825 mil florin y manera ta e lema, cu e premio aki Lotto ta convenci di a cambia bida di otro hungado cu hopi suerte. Awe nochi bo por gana e starting jackpot di 350 mil florin di Mini Mega y Mega Plus. Abo tambe por bira un feliz ganado cuminsando cu 7 florin so pa cada ticket.

Lotto, e loteria di Aruba tin diferente wega, Catochi, Big 4, Zodiac, Wega di number di Corsou di Lotto, Lotto di dia, Lotto 5, Mini Mega y su Mega Plus y e weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.