Famia ta cuestiona detencion di turista mericano gara cu arma na airport

PINE BLUFF, Ark. - Un ex docente di Pine Bluff (Merca) ta ketobay deteni na Aruba pasobra a gare cu arma ora cu el a purba bandona nos isla luna passa. Dr Andranette Anderson (53) a keda deteni 21 di maart ultimo momento cu e tabata bandona ARuba despues di un vacacion pa celebra su di 53 cumpleaños. Durante e control na douane, a haya e arma den su tas. Su detencion a keda prolonga recientemente cu 60 dia. 

BUSCA PUBLICIDAD 

Su famia a dicidi di bay prensa pa splica nan situacion y kico tur a pasa cu nan familiar cu tin varios siman deteni. "E ta un pesadia" amiga Patricia Smith a bisa. A describi e persona deteni como uno serio sin problema. :"E ta bay misa, ta stima Dios y e loke a pas'e, simplemente no ta den su caracter" a sigui conta di e persona aki. E famia a bin hunto pa conta nan storia na television mericano. E famia ta den shock pasobra a detene nan familiar pa posesion di un arma di candela. "E pistol tabata den un caha. E no tabata scondi. E tabata den un zipper di su tas, djies poni eynan, no scondi of algo por el estilo" e familiar ta bisa, argumentando cu ta pone un hende a pone eynan, sin cu nan familiar sa. 

ANDRANETTE TA INOCENTE

E prima di Andranette tabata biaha cune y despues cu a interog'e tambe, a laga e si bay. Andranette mester a keda Aruba. "Andranette lo no a mishi ni cu klapchi, corda un pistol" su amistad London-Payne a sigui bisa. Segun consulado Mericano basa na Corsou, gobierno Mericano no por saca ningun hende for di prison sin mas. "E hecho cu e persona tin un pasaporte Mericano no ta dune privilegio of tratamento special". E famia mientrastanto a busca servicio di un abogado pa saca nan familiar liber. "Nan a bisa cu e ta un di e miho abogadonan na Aruba", Walker a bisa. No ta conoci pa NoticiaCla.com cua abogado a busca pa e caso aki. Mientrastanto a keda prolonga e detencion y ya caba e persona aki a haya prolongacion di 60 dia pa cual e mester a bay KIA.