Contratista riba green corridor a bolbe kibra kabel di coriente

ORANJESTAD -Diahuebs mainta trempan N.V. ELMAR a hay'e cu un otro reto den suministro y distribucion di coriente ora cu un compania di construccion trahando riba Green Corridor na altura di e crusada di Mahuma a kap un kabel di 60.000 volt. Consecuentemente a causa un problema serio den distribucion pa cual varios bario a resulta afecta. Ta trata aki di area di Tanki Leendert, Pavia, parti di Caya Betico Croes, Shaba, Sero Blanco, Pos Abao, Bushiri y algun hotel grandi manera La Cabana Resort. 

LAMENTO

N.V. ELMAR ta lamenta e hecho aki cu ta for di su mannan, pero cu tin consecuencia pa su clientenan, specialmente comercio. 

TRAHANDO PA DAÑA KABEL KIBRA

Mientrastanto mesora despues di a incidente tecniconan a mobilisa pa desvia distribucion pa por reconecta suministro normal di coriente. Di otro banda a cuminsa cu trabou pa drecha e kabel importante di coriente cu awor ta daña.