Polis a descubri centro di cultivo di Marihuana na Tarabana

ORANJESTAD - Polis a descubri centro di cultivo di Marihuana na Tarabana. Ta algun tempo caba tin keho ta drenta constantemente di e bario di Tarabana, den cual ta keha cu habitantenan di e cas situa na St. Vincentstraat # 1 na Tarabana na Dakota ta haci hopi movecion sospechoso. A pidi un permiso special di Hues Comisario pa haci un "Huiszoeking" awe na e cas. Na e sitio a topa cu henter un cultivo profesional di Marihuana.  Na tur a descubri no menos di 341 mata di marihuana den e cas. Di acuerdo cu tipnan cu a drenta na Polis, cu e cas ta wordo uza como un centro di cultiva y bende droga. Hues Comisario di Corte y Fiscal di Ministerio Publico a presenta na e sitio. Pa 1:00 pm Fiscal a duna ordo pa detene tur habitante den e cas, relaciona cu e articulo 2 y 4 di nos Codigo Penal y leynan di droga. Di e forma aki Husticia di Aruba ta sigui cosecha exito den nan afan pa elimina mas di e tipo di centronan di droga asina, cu sosten di comunidad cu ta suministra informacion relevante na e tipo di investigacionnan asina.