Riu Hotels na Aruba a anuncia nan sosten na tres NGO di Aruba

PALM BEACH - RIU Hotels & Resorts a uni cu tres NGO (Non Gubernamental Agencies), ofreciendo nan sosten economico y corporativo pa nan esfuersonan boluntario.  E representantenan di e hotel a topa cu miembronan di prensa pa informa nan di e programanan y a presenta mes momento e plan pa contribui fondo pa nan programanan social riba e isla, demonstrando asina nan compromiso pa mehora e bienestar di e habitantenan di Aruba, particularmente esnan den mas necesidad.

ESNAN PRESENTE 

Durante e conferencia, e director regional, Danielle Camponovo y Catalina Alemany, e director responsabel pa e responsabilidad corporativo social a anuncia e plan aki di sponsorship. Hunto cu nan, tabatin tambe representantenan di e varios NGO manera  Jennie Lion Sjin Tjoe di Family First, Natasha Gilkes y un di e miembronan di directiva, Swinda Dumfries di Fundacion Pa Nos Muchanan y Nathalie Tromp and Rebekah Craigg di fundacion GUIA MI.

PAKICO RIU TA ENVOLVI

A splica e motibo di envolvimento di RIU, debi na su dedicacion na e desaroyo comercial, y progresivamente mas responsabel pa cu e medio ambiente y comunidad. Den bista di su compromiso na tanto e medio ambiente y comunidad, RIU Hotels ta depende di e esfuerso di su ekipo corporativo social responsabel pa prepara y atende cu e plannan di accion ambisioso rond mundo, na hotelnan RIU y su destinacionan. E plan di responsabilidad social ta enfoca riba tres area principal, medio ambiente, sociedad y recurso humano. RIU su strategia social ta pone prioridad riba e proyectonan y NGO cu ta traha mas bien cu mucha y salud, pues netamente pa cual a scoge e tres NGO'nan menciona.