Hotel.com & Booking.com a reconoce Hilton Aruba Caribbean Resort

PALM BEACH —Representantenan di dos site gigantesco di viahe, Hotel.com & Booking.com, recientemente a bishita e isla pa personalmente entrega premionan di excelencia na nan partnernan di hospitalidad balora. E premio di Hotels.com, un website pa reserva camber di hotel online of via telefon, un di e sitenan di biahe mas importante na mundo y un miembro di Expedia, Inc., a score Hilton cu 4.4 di un posible 5, den encuestanan di satisfaccion entre huespednan cu ta regresando bek pa nan cas despues di nan vakantie na Aruba.  

E premio di Booking.com, un website pa reserva acomodacionnan online, un gigante den e mercado digital di biahe, a score Hilton cu un suma di 8.4 for di un posible 10, den encuestanan di satisfaccion entre huespednan regresando pa nan cas bek despues di nan vakantie na Aruba. E premionan a wordo acepta pa Jaap van Dam na nomber di gerencia. Van Dam a gradici Hotel.com y Booking.com pa e reconocemento y a elogia su coleganan pa nan tremendo trabou desde cu e marca internacional di Hilton a tuma e resort over na juli di 2015.