Polis ta confirma keho ricibi den caso secuestro muchanan na Corsou

WILLEMSTAD - Despues cu henter dia ningun hende no por a confirma un situacion di posibel secuestro di mucha na Corsou, anochi vocero di Cuerpo Policial Sr Imro Zwerwer a confirma  cu KPC a ricibi kehonan oficial durante dia di awe serca mayornan relaciona cu intento di secuestro di menornan di edad. Un di e intentonan aki tabata tin hasta yiu di un agente policial envolvi. Ainda no por bisa cuanto keho exactamente a keda entrega ni tampoco detayenan di esaki. 

INFORMACION MAYAN

Cuerpo Policial ta tumando e informacion aki bastante na serio y lo tin un reunion mañan mainta pa compila detayenan riba e casonan aki. E prome indicacion ta mustra cu e sospechosonan envolvi lo por ta trata di personanan latino. Pa Cuerpo Policial ainda no ta muchu cu ki meta nan tin pa e secuestronan aki ni tampoco ken e grupo aki ta. Locual KPC, Sr Zwerwer ta enfatisa ta cu comunidad no mester drenta panico pa e situacion, pero ta bon pa mayornan ta alerta y tira un bista extra riba nan yiunan.