AAA: Contento cu buelonan adicional KLM pa Aruba

ORANJESTAD – Aruba Airport Authority N.V. (AAA) ta contento pa comparti KLM su noticia cu entre 8 di juli y 4 di september, 2016, pa e ruta entre Amsterdam y Bonaire/Aruba KLM lo aumenta su capacidad, cu un Airbus 330-200 cu lo bula riba diadumingo. E cantidad di buelo semanal entre Aruba y Amsterdam lo wordo aumenta pa 6 biaha pa siman. “Nos ta convenci cu e buelo adicional aki for si e aerolinea mas bieu na mundo cu ainda ta uza su nomber original lo ta di gran balor pa nos pasaheronan den e temporada di zomer. Como un destinacion popular, nos ta yama bon bini na e buelo adicional pa Aruba cu brasa habri. Nos ta kere cu door di e demanda halto, KLM, conosi pa ta semper na ora y bon servicio, lo por considera pa extende e buelonan adicional pa un periodo mas largo den futuro!” asina CCO di AAA Sra. Barbara Brown a bisa.