Pa problema di 'secura', Venezuela ta duna liber tur diabierna

CARACAS - Gobierno Venezolano a anuncia cu ta comberti tur diabierna den dia 'no laboral' pa trahadonan publico den luna di april y mei. E motibo ta pa enfrenta e crisis energetico genera pa e secura cu ta afecta entre otro e dam di Guri, na Venezuela. E awa di e dam aki ta genera por lo menos 60% di e electricidad cu ta wordo consumi na Venezuela. E anuncio aki a wordo haci ayera pa presidente Venezolano Nicolas Maduro via decreto oficial, cu ta spera cu e medida aki lo reduci e consumo cu por lo menos 20% riba e dianan liber aki. Ademas ta reduci e ora di trabou di trahadonan publico na 5 ora y mei. Criticonan sinembargo ta mustra cu e crisis no ta pa e motibo menciona sino e deficiencia termoelectrico debi na falta di planificacion y inversion pa ex presidente Hugo Chavez y awor presidente Maduro.