OM: Investigacion di JZP riba caso di 'pedofiel' no ta cla

ORANJESTAD - Ministerio publico ainda no a haya e resultado di e investigacion di Jeugd & Zeden Politie (JZP) riba e denuncia haci aña pasa pa tata di un mucha, relaciona cu abuso sexual (pedofiel). Ta trata di e caso cu a haya hopi atencion aña pasa ora cu un tata a haci denuncia contra un persona considera como pedofiel, ora cu e persona aki lo a haci actonan sexual cu su yiu. "E tata a haci aangifte aña pasa na JZP (Jeugd & Zeden Politie), segun vocero di Ministerio Publico Ann Angela. " E investigacion ta andando. Asina cu e investigacion wordo afgerond, fiscal lo tuma decisionnan tocante con pa sigui procede cu e caso" Angela a sigui bisa. 

VANDALISMO DEN CENTRO DI CIUDAD

Ayera un biaha mas e caso a bin dilanti ora cu varios lugar a lanta cu grafiti cu e textonan di 'pedofiel' riba dje. Mientras cu tabatin un rechaso pa e acto di vandalismo cu a tuma lugar riba e.o. muraya di scol y un di e 'cabaynan blauw' cu ta poni como arte den centor di ciudad, hopi a mustra nan solidaridad cu e intencion di e persona (e tata ) cu a comete e acto aki. E tata lo a haci declaracion na varios medio cu e ta esun responsabel pa e acto, pero cu e ta desespera mirando cu ainda no a tuma desicion riba e caso. Basa riba esaki NoticiaCla.com a atende cu Ministerio Publico riba esaki y a bin comprende awor cu e investigacion mes no ta cla ainda.