Lo atende cu clientenan Arubano di Mossack Fonseca cu evadi impuesto

ORANJESTAD — Si resulta cu clientenan Arubano di e bufete di abogado Panameño  Mossack Fonseca a sconde placa pa evadi impuesto, lo actua fuertemente contra nan door di departamento di impuesto. Asina minister di finanza Angel Bermudez a bisa como reaccion riba e leak di e asina yama 'Panama Papers'.  

EVADI IMPUESTO

"Si en caso esaki sosode pa evadi pago di impuesto, lo actua fuerte contra e discubrimento di esaki a base di cobransa retroactivo y multa halto. Si ta necesario, lo tin persecusion penal tambe" e mandatario a sigui bisa.   

ARUBA IMPLICA DEN PANAMA PAPERS

Manera ta conoci awor, comienso di luna di mei e lista di cliente di Mossack Fonseca lo keda publica. ( Manera cu NoticiaCla.com a publica caba), Mossack Fonseca tin 3 cliente Arubano, tin 27 oficina estableci na Aruba cu un total di 30 accionista. 

BENEFICIARIO FINAL

No a haci mencion si ainda di e beneficiarionan final di e companianan, ni cu si e companianan aki a haci uso di e asina yama sistema di corporacion den forma di un Arubaanse Vrijgestelde Vennootschap (AVV). Bermudez a bisa cu su minister lo tene e publicacionan oficial rondo di Panama Papers hopi na bista e proximo dianan. 

 Pa  Ariën Rasmijn Caribisch Netwerk