Lotto 5 a paga 525 mil florin na un feliz ganado

ORANJESTAD - Luna di april a habri cu hopi suerte. Lotto a conoce diferente ganado di premionan grandi. E ganadora di mas grandi a pasa dialuna den oranan di mainta y identifica su mes como e ganadora absoluto di 525.000 florin di Lotto 5, cu a hunga diasabra 2 di april, 2016. Sra. Ligia C. a cumpra un solo ticket loco cu numbernan 02-06-07-16-19 na Cadena Alexander Noord. 

LOTTO

Lotto 5 ta costa 4 florin so pa ticket, y ta hunga tur diaranson y diasabra pa 9:00 pm na Telearuba, Canal 13. Por pasa cualkier rebendedo di Lotto pa sigura bo participacion den cada sorteo. Na oficina di Lotto na San Nicolaas y Oranjestad tambe por cumpra bo numbernan di suerte pa cualkier sorteo di weganan di Lotto, E Loteria di Aruba.  Lotto ta contento pa cambia bida di otro fiel hungado, esta Sra. Ligia, cu e premio mayo di 525 mil florin di Lotto 5. Lotto, e loteria di Aruba tin 8 diferente wega, Catochi, Big 4, Zodiac, Wega di number di Korsou, Lotto di dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.