Jonkheer: Posicion comercial Corsou na Colombia ta fantastico

WILLEMSTAD - Camara di Comercio ta hopi satisfecho cu e posicion cu Corsou a adkiri riba e mercado Colombiano. Durante ultimo shete aña Camara di Comercio a traha riba e mercado Colombiano cu e meta pa interesa companianan local exporta producto y servicio pa Colombia.

STIMULA COMPANIANAN COLOMBIANO

Tambe pa stimula companianan Colombiano haci uzo di nos servicionan pa exporta nan productonan of haci negoshi cu Merca, Europa of Caribe via di Corsou. Presidente di Camara di Comercio di Corsou, Billy Jonkheer ta menciona cu e esfuersonan a culmina den un bon relacion cu Colombia.

EXPORTACION TA IMPORTANTE

Exportacion ta hopi importante pa divisas y pa cresemento economico. Ta den e cuadro aki Camara di Comercio a lanta Curacao Bussiness Point, Billy Jonkheer a splica. Na dado momento Camara di Comercio a constata cu tabatin varios compania local cu interes pa exporta nan producto of servicio, pero nan tabatin cierto duda. Pa medio di Curacao Bussiness Point, ta yuda e companianan aki cu exportacion. Mientrastanto tin mas cu 100 compania cu a bira miembro di Curacao Bussiness Point. Jonkheer:"Nos ta duna nan e toolsnan pa nan exporta. Y tambe lo bin un website pa companianan internacional por tuma nota dje companianan local cu ta disponibel, cu e meta pa promove exportacion."

Autor y  foto ta  :Dulce Koopman  Ret Karibense