Entrenador di cacho Cesar Millan na Aruba den luna di juli

LOS ANGELES - Despues di hopi intento, porfin por confirma cu e zomer aki, Aruba lo ricibi bishita di e entrenador mas popular y conoci di cacho, Cesar Millan. A logra sigura su bishita despues di dos aña di negosacion y deliberacion. Millan ta e entrenador di cacho mas solicita rond mundo, y como tal no tabata nada facil pa logra hay'e pa Aruba. Su bishita ta coincidi cu apertura di un hotel pa cacho, POOCH, cu lo ta ubica na e area di Barcadera den un espacio unda cu lo brinda tur facilidad pa cacho, for di un hotel, un spa, un training center y mas. Otro siman lo tene un conferencia di prensa cu detayenan pa esnan interesa por cuminsa reserva nan cupo, mirando e interes inmenso cu tin pa cu e persona aki. E fecha cu NoticiaCla.com a tende di e bishita, lo ta e weekend di 8 y 9 di juli proximo cu Cesar Millan lo ta na Aruba.