CrossFit Gradum a habri su portanan oficialmente

ORANJESTAD  - CrossFit Gradum, hunto cu AWA y Powerade, a habri su portanan oficial cu un “grand opening” diasabra ultimo, dia 26 di maart 2016, treciendo e delaster CrossFit Open workout pa aña 2016 esta wod 16.5. E atletanan cu ta practica e deporte aki a duna asina un demostracion chikito di con e ta pa haci un wod (workout of the day) di CrossFit. CrossFit ta un sport cu ta uza movimentonan funcional constantemente varia y ehecuta den un intensidad halto. E ta combina entre otro ehercicionan cardiovascular cu weightlifting cual a demostra di ta hopi efectivo pa por ehempel baha di peso, haya mas stamina, tin mas flexibilad y pa tone e curpa. E interesante di CrossFit ta cu tur hende por haci'e, no ta importa e edad y/of con 'sportief' bo ta. CrossFit ta pa tur hende y di diferente edad y habilidad fisico door cu tur ehercicio ta wordo adapta na e habilidad di cada persona. CrossFit ta un programa pa optimalisa e competencia fisico den cada dies di e dominionan reconoci di fitness. Esta Cardiovascular and Respiratory endurance, Stamina, Strenght, Flexibility, Power, Speed, Coordination, Agility, Balance, and Accuracy. 

Durante e apertura oficial aki tambe, prome minister di Aruba, Mike Eman, tambe tabata t'ey presente, pa asina tira un bista riba con e workout ta tuma luga, mirando cu e mes ta un persona cu ta practica e deporte di CrossFit.

Aljereau Sophia, kende ta un coach na CrossFit Gradum a conta cu nan ta un comunidad caminda cu tur hende ta yega hunto pa haci e workout di dia. CrossFit ta uza movementonan funcional cu nos ta uza diariamente, manera sinta (cual ta un squat), press (pone algo riba cashi), piki algo riba vloer pero na e manera corecto. Tur dia tin un workout diferente, esey ta haci’e fun y challenging. E ambiente ta hopi leuk y positivo unda tur hende ta pusha otro. Por sinti cu e atletanan ta train cu smaak. 

E aña aki tambe tabata tin e CrossFit Open 2016. CrossFit ta un sport cu ta wordo practica  mundialmente. CrossFit Open ta un event cu ta wordo haci tur aña prome cu e CrossFit Games. Tur diahuebs nan a saca un workout pa cinco siman largo. Tur atleta cu ta haci e workoutnan por cualifica pa e Regionals y despues cualifica pa e CrossFit Games, cual ta e ultimate goal. E miho atletanan cu ta competi den e CrossFit Games ta haya e titulo di the Fittest Woman of The Fittest Man on Earth.  

Durante e apertura oficial tabata tin presentacion di Honeypot, como tambe algun atleta invita cu a haci e wod. E atletanan a have fun bou di apoyo di friends and family. Danki na tur atleta cu a participa y na tur hende cu a pasa apoya e atletanan y asina cera conoci un tiki mas cu e deporte di CrossFit.

Willeke Kok ta brand manager di Coca Cola, na Tropical Bottling/Balashi Brouwerij, distribuidornan di AWA y Powerade, tambe ta haci CrossFit pa un aña y a cambia su estilo di bida por completo. CrossFit Gradum ta keda cerca di Balashi Brouwerij tambe, dus cerca di trabou, el a expresa. Willeke ta invita Aruba henter pa bin wak kico CrossFit ta. Tin hopi hende cu ta bisa cu CrossFit ta hopi duro, Willeke ta splica. E ta mustra mas bien challenging. Tur hende ta cuminsa poco poco, bo mes ta ripara ora bo ta bay dilanti, bo ta hisa mas peso, bo ta haya mas stamina. CrossFit ta un full body workout y cada wod ta tuma un ora. Un Pabien y Danki grandi ta bay na tur e participantenan cu a haci di e dia aki uno exceptional , boso ta awesome.

CrossFit Gradum ta un box afilia na CrossFit Headquarters cu coachnan certifica pa duna les di CrossFit. Crossfit Gradum ta invita tur hende pa pasa wak un les y cera conoci cu e CrossFit community di CrossFit Gradum