A extende deadline pa 'definite agreement' cu 6 siman

ORANJESTAD -  Gobierno a anuncia diahuebs atardi cu a firma hunto cu CITGO y Valero pa extende e deadline pa un definite participation agreement te 13 di mei 2016. " Conhuntamente nos a yega na un acuerdo cu mester mas tempo pa caba cu tur cos. Tur tres partido ta positivo, para tras di e proyecto, pa por termina esaki den un termino relativo", minister Mike de Meza a anuncia. Ta spera cu por keda cla pa e ora bay e siguiente fase cu ta e fase transitorio unda cu CITGO ta tuma tur proceso over. Segun de Meza, e trabou inicial lo bira un rehabilitacion di e refineria, contrario na un asina yama turnaround. Lo dura por lo menos 3 aña pa e refineria ta den operacion. Prome 5 aña lo inverti 1 biyon dollar. E posponemento ta pa solamente keda cla cu e parti legal, pasobra segun de Meza, 90 % di e trabou ta cla caba. Keda pendiente pa mas informacion. Inicialmente e palabracion tabata pa keda cla awe, pero esey no a logra. Como tal a dicidi a firma e extencion manera anuncia ariba. E intencion ta pa firma e acuerdo final na mei, pa e ora CITGO tuma e refineria pa su operacion.