SETAR ta informa encuanto di interferencia riba su red di celular 3G

ORANJESTAD - SETAR a tuma nota di un caso di interferencia riba su red di celular di 3G.  Despues di investiga esaki a constata cu e ta procedente di un pais bisiña y ta interferi directamente riba e señal di SETAR.  E interferencia ta causa cu yamadanan no ta pasa, ta cay of no ta “zuiver” manera ta custumber y e diferente servicionan di data tambe ta wordo afecta. Nan ta baha di calidad, velocidad y te hasta por tin interupcion. E instancianan oficial concerni a wordo poni na altura y ta trahando diligentemente pa resolve e interferencia cu e usuarionan y clientenan di SETAR ta experenciando. SETAR ta pidi disculpa pa cualkier inconveniencia causa pa e interferencia aki, cu ta algo totalmente fuera di su alcance.