Segun medionan latino, homber haya hoga tras di ex Nanki Club ta Venezolano

PUNTO FIJO - Mientras cu na Aruba autoridadnan no a divulga e identificacion di e persona cu a wordo haya hoga patras di ex Nanki Club dialuna, medionan latino, (Venezolano y Colombiano) si ta raporta e identidad. Segun e medionan aki, entre nan NtN24, e victima a wordo identifica diaranson pa un amigo, cu ta sigura cu ta trata di Joemar Vargas di Punto Fijo. Ademas ta relata cu Vargas a biaha den oranan di dialuna marduga cu boto pa Aruba ora cu diripiente 'e la bula na awa'. E familiarnan ta den proceso mientrastanto pa traslada e curpa pa e estado di Falcon. NoticiaCla.com a confronta autoridad policial cu e info aki, pero nan a mustra cu Aruba 'oficialmente' no tin nada ainda y cu tanten cu recherche no divulga informacion, no por papia di nada. Pues na Aruba ainda e identidad di e persona, oficialmente no ta conoci.