Algun trahado di Hilton Aruba Caribbean a walk out relaciona cu CAO

ORANJESTAD - Un total di 35 trahado a 'walk out' na Hilton hotel awe mainta relaciona cu negociacion di CAO. Segun Rene Kan cu ta representa e doñonan di e hotel, nan tabata den negociacion cu sindicato FTA. "Ocho dia pasa tabata nos ultimo reunion cu nan durante cual nos a haci un proposicion" Kan a bisa NoticiaCla.com. "Nan a bolbe ayera cu un contra proposicion. Cu un dia despues 35 trahado (di 290 cu ta miembro di sindicato) a bay den accion, a sorprende nos" Kan a sigui bisa. Sigur, segun Kan, si tuma nota cu e team members di Hilton Aruba Caribbean Hotel ta e mihonan paga di tur hotel na Aruba. "Ademas, Nos por confirma cu nos ta negociando den bon boluntad, y como tal nos no ta compronde pakico nan a haci esaki" Kan a finalisa bisando. NoticiaCla.com a tuma contacto cu e sindicato awe mainta, pero nan no a debolbe yamada di NoticiaCla.com ainda.