Tormenta Bertha a afecta itinerario di crucero pa Aruba

ORANJESTAD – Debi na e tormenta Bertha den region di Caribe, e bapor crucero Carnival Breeze a cambia di itinerario, afectando Aruba tambe. Enbes di yega Aruba diahuebs mainta tempran, e ta yega Aruba un dia prome (wak e schedule original pa Aruba aki). Algo cu Aruba Ports Authority NV a confirma pa via di nan pagina di Facebook. Carnival Breeze mes momento a indica cu casi nan itinerario completo a bolter, cu ta pone cu enves di cuminsa cu Grand Turk como prome destinacion, e ta bira awor e ultimo destinacion. “Tur puerto ta keda ainda riba e itinerario. Ta solamente e orden den cual ta bishita nan, a cambia” e compania a laga sa pa medio di su website. Carnival Breeze ta yega awo diaranson 7am enves di diahuebs 7am.