De Cuba: Hues a tuma 'easy way out' den caso Parke Arikok

ORANJESTAD - "Hues a tuma 'the easy way out' y a ontbind a base di un vertrouwensbreuk". Asina abogado di ex director di Parke Arikok, Jeanot de Cuba a reacciona na NoticiaCla.com riba e veredicto. E ta referi na e veredicto unda cu hues a disolve e contracto 'per direct' siman pasa di su cliente. " Lastimamente cu hues no a haci niun referencia na algun di e argumentonan di Ter Horst mas fundamental" de Cuba a bisa. Como tal de Cuba no a keda nada contento cu e veredicto. 

VEREDICTO

E veredicto, den liñanan grandi manera cu NoticiaCla.com a raporta den forma di primicia awe mainta, ta bisa cu hues ta disolve e contracto di trabou per direct, esta mesora y cu no tin compensacion financiero pa e ex director tampoco. Un argumento fundamental cu de Cuba ta referi na dje riba su cliente ta cu hues no a tene cuenta cu entre otro cu e job description di su cliente ta asina amplio cu e instruccionnan cu el a haña despues di bestuur, de facto ta ensera un cambio di su contract, locual, bou di ley Arubano ta nulo. " Fuera di esey no ta haci referencia na e “wanbeleid” cu segun ter Horst a tuma lugar" de Cuba a sigui bisa." Lastimamente tambe cu Ter Horst no por bai den beroep, ley ta prohibi esey!" e abogado a finalisa bisando. Ter Horst lo bin cu su propio declaracion despues. Lesa e veredicto aki.