Prome grupo di studiante a biaha diamars pa Hulanda

ORANJESTAD - E prome grupo di beursalen di Aruba a biaha diamars mainta pa Hulanda, via Corsou. E grupo di total 248 studiante, a wordo separa den dos pa motibo logistico, unda cu e prome grupo a biaha rond di merdia, sigui pa e di dos grupo cu ta sali rond di 3or. Por a topa centenares di studiante cu nan famia den e proceso di despedida. Semper un momento emocional pa ambos partido, pero sigur cu un firmeza cu ta pa e miho di e studiante e situacion aki ta. Un di e studiantenan ta di fam Hubert, cu a sali 'miho graduado' di Colegio Arubano seccion VWO. "Semper e tabata kier ta miho di su klas. Mi a bise cu esey no ta necesario. Pero e mes tabata kier" e mayor orguyoso Jan Hubert a bisa di su yiu muher. Mas den dia NoticiaCla lo tin un amplio cobertura fotografico di e salida di e beursalen y tambe nan yegada na Hulanda.