Aruba ta conoce e banda nobo “Loud by Quincy”

ORANJESTAD - Aruba ta conoce e banda nobo “Loud by Quincy”. E propietario Quincy Hasham, den fin di siman a splica cu e banda 'Simplemente PaBo' ta cambia su nomber pa Loud by Quincy. E cambio aki ta uno di importancia pa e simpel hecho cu hopi di e fanaticonan y e integrantenan di e banda a boga pa algo fresco y nobo.

CONTRACTNAN TA CLA 

Ya caba contractnan a drenta pa asina por sigui presenta cu e banda LIVE aki y e meta principal ta pa e pueblo por gosa di algo simplemente diferente. Den e mesun rosea Quincy a introduci e PR manager di e banda cu ta Sra. Sherry Hasham-Tromp. Sherry lo ta esun encarga cu tur informacion pa cu e banda y tambe mantene e schedule di e banda al dia.

DEBUT

Sherry a splica cu 1 di april 2016 e banda Loud by Quincy lo haci su debut pa publico. Ya caba tur preparacion a wordo haci pa e fiesta aki cu lo tuma lugar na Sandra’s Garden riba Linear Park. “No kere esaki ta joke, ya cu nos tur sa 1 april ta dia di gaña, ambiente lo start trempan pero LOUD lo cuminsa toka 10’or en punto” Sherry a sigui bisa.

INVITACION

E invitacion ta keda na cada un fanatico y especialmente e bailadoresnan pa nan por yega Sandra’s Garden dia 1 di april 2016 pa bin gosa di e banda “LOUD by Quincy”. Pa mas informacion por contact Sherry na 568-7220 of por subi e facebook page di LOUD by Quincy. Riba e fotonan por mira e banda completo y tambe un krenchi di e ensayo cu a tuma lugar.