E leyenda di futbol Hulandes Johan Cruijff a fayece

BARCELONA - E leyenda di futbol Hulandes Johan Cruijff a fayece diahuebs mainta na Barcelona. Cruiff tabatin 68 aña. El a fayece a consecuencia di e malesa di cancer di pulmon y tabata den compania di su famia. "Cu tristesa nos mester participa cu Johan Cruiff, rondona pa su famia y despues di un bataya fuerte contra cancer, a fayece dia 24 di maart na Barcelona" tabata e mensahe riba su website awe mainta. 

TRAYECTORIA

Cruijff a hunga 48 biaha pa e seleccion Hulandes, y a score 33 goal. E ex hungador di entre otro Ajax y FC Barcelona a wordo nombra 3 biaha como futbolista mundial di aña. Na 1974 el a conkista curason di Hulandesnan durante e campeon mundial na Alemania. E seleccion Hulandes a logra bay cu e premio plata. Despues di su trayectoria activo el a bira entrenador di Ajax y Barcelona. Na 1992 e catalanonan a gana e Europa Cup di El Salvador danki na un tiro liber di Ronald Koeman. 

ARUBA

Na Aruba Cruiff tabata instrumental den presenta cancha di futbol na su nomber na Jaburibari na 2006, y a inaugura esaki den presencia di e tempo ey Reina Beatrix. 

Fuente  y foto Telegraaf