Chauffeur takelwagen cu ta brinda servicio pa Aruparking suspendi pa comportacion ilegal

ORANJESTAD - E chauffeur di un takelwagen di compania cu ta brinda servicio pa Aruparking a keda suspendi pa supuesto comportacion ilegal. Diaranson atardi, Aruparking a relata riba e video cu ta circulando riba rednan social, y cu ta mustra actonan sospechoso tumando lugar na un towing truck cu ta brinda servicio na Aruparking y tin e logo di e compania riba dje. Basa riba esey Aruparking a manda un declaracion pa aclarea e situacion.

SITUACION NO ACEPTABLE

Segun e aclariacion, inmediatamente ora gerencia di Aruparking a haya e informacion aki, a tuma contacto cu e compania cu ta presta e servicio di towing na Aruparking mirando cu e tipo di situacionnan aki no ta aceptabel pa nos compania bou ningun circunstancia.

COMPANIA A TUMA PASO

E compania contratista di biaha a tuma e pasonan necesario pa loke ta e chauffeur di e towing truck, kende a haya schorsing pendiente investigacion. Aruparking ta lamenta masha hopi mes e situacion aki y ta para firme pa loke ta e maneho di cero tolerancia. Nos compania ta uno unda cu testnan di droga ta wordo haci sin previo aviso na e trahadornan y contratistanan sigurando asina un ambiente liber di droga. Un biaha mas, Aruparking ta lamenta e sucedido cu a tuma lugar y ta enfatisa cu nos compania ta desaproba totalmente cualkier tipo di comportacion ilegal den tur sentido di palabra.